Id-dar tal-anzjani tal-Mosta se titwaqqa’ u tinbena mill-ġdid

Id-dar tal-anzjani Dar Madonna tal-Isperanza fil-Mosta se tkun qed titwaqqa’ u terġa tinbena mill-ġdid.

Dan ħabbru l-Ministru għall-Anzjanità Attiva Michael Farrugia waqt li kien qed jindirizza konferenza stampa minn quddiem il-bini tal-istess dar.

Fl-istess konferenza stampa, il-Ministru Farrugia spjega li din se tkun it-tieni residenza tal-anzjani tal-Gvern, wara dik tal-Imsida li se titwaqqa’ u terġa tinbena mill-ġdid sabiex ikunu jistgħu jittejbu aktar is-servizzi offruti lill-anzjani Maltin.