Fis-7 ta’ Ottubru se jkun qed jiġi ċċelebrat il-Jum iddedikat għall-Anzjani. Kien għalekk li d-dar tal-anzjani fin-Naxxar, Simblija Care Home, organizzaw mixja bl-isem “I Am Active” bl-għan li jqajmu aktar kuxjenza dwar l-importanza ta’ kif l-anzjani għandhom iżommu ruħhom attivi. Għalekk fis-7 ta’ Ottubru fit-8:00 ta’ filgħodu qed iħeġġu lil kull min irid jagħmel il-parti tiegħu biex japplika biex jieħu sehem fil-mixja jew ġirja li se tkun qed issir fin-Naxxar stess.
Id-data tal-applikazzjoni se tkun qed tagħlaq għada, is-Sibt 29 ta’ Settembru bid-donazzjoni tkun ta’ €5.
Il-fondi kollha li jinġabru se jkunu qed imorru għall-K9 Urban Search & Rescue Malta li mhux biss jitħarġu biex isalvaw lin-nies f’każ ta’ diżastri naturali iżda saħansitra jservu bħala klieb li joffru terapija għall-anzjani fl-istess dar.
Kull min irid japplika jista jidħol fuq: www.simblijacarehome.com
