Missier u iben miż-Żurrieq ittieħdu l-isptar Mater Dei b’emerġenza wara li għal xi raġuni ċeda ċint bihom u waqgħu għoli ta’ madwar sular
L-età tal-vittmi hija ta’ 72 u 41 sena rispettivi.
L-inċident seħħ fi Triq Babu fiż-Żurrieq għall-ħabta tal-11.00 ta’ dalgħodu. Issejħu l-pulizija li marru mmedjatament fuq il-post kif ukoll membri mid-dipartiment tal-Protezzjoni Ċivili ġew imsejħa fuq il-post sabiex jassistu.
Il-kundizzjoni tar-raġel ta’ 72 sena hija gravi filwaqt li l-persuna l-oħra qed issofri minn ġrieħi ħfief.
