Il-Ġimgħa, iċ-Ċina ħabbret li mill-10 t’April, se tkun qed timponi tariffi reċiprokali ta’ 34% fuq l-importazzjoni kollha mill-Istati Uniti sabiex żammet il-wegħda ta’ ritaljazzjoni wara li l-President Amerikan Donald Trump kompla eskala l-gwerra kummerċjali.
L-Erbgħa, Trump ħabbar tariffi addizzjonali ta’ 34% fuq il-prodotti importati miċ-Ċina, f’mossa li għarrqet ir-relazzjoni u kompliet tkabbar it-tensjoni kummerċjali bejn l-akbar żewġ ekonomiji fid-dinja.
Bħala parti minn dawn il-miżuri ta’ ritaljazzjoni, iċ-Ċina żiedet ukoll 11-il Kumpanija Amerikana fil-lista ta’ entitajiet mhux affidabbli, li jinkludu prodotturi tad-drones, barra li impona kontrolli ta’ esportazzjoni fuq 16-il kumpanija Amerikana sabiex iżomm milli jkunu esportati oġġetti Ċiniżi b’użu doppju.
Sadanittant dan kollu qed iħalli impatt negattiv fuq is-suq kummerċjali bl-aktar ishma li ħadu daqqa ta’ ħarta jkunu dawk Ewropej u Ingliżi bi tnaqqis ta’ aktar minn 3% matul il-jum tal-Ġimgħa f’dak li qed ikun ikkunsidrat l-agħar prestazzjoni f’ħafna snin. L-ishma Amerikani ħadu daqqa l-isfel meta kienu mħabbra t-tariffi ta’ ritaljazzjoni miċ-Ċina, b’dawk Ċiniżi ma jsofriex daqstant danni.
