Iċ-champion Awsraljan tal-BMX Todd Meyn kien impressjonat ferm bil-faċilitajiet tal-BMX Malta li jinsabu f’Pembroke. Meyn ħa sehem waqt attivita’ organizzata riċentament minn Nitro Circus immexxija minn Travis Pastrana li huwa atleta sportiv ta’ Pro action.
Todd tant kien sodisfatt b’dak li sab hawn Malta, li wiegħed li jerġa jkun hawn fostna għal MBX Fest tal-Milied organizzat mill-Assoċjazzjoni Maltija bis-sehem ta’ bosta sewwieqa oħra internazzjonali. Huwa faħħar ukoll l-ospitalita’ tal-Maltin u stqarr dwar kemm huma ixxurtjati t-tfal u ż-żgħażagħ lokali li jistgħu jipprattikaw l-isport favorit tagħhom f’faċilitajiet mill-iktar tajbin u li qed dejjem jkomplu jimmiljoraw.
Todd Meyn beda din l-attivita’ sportiva tiegħu minn eta żgħira f’Perth, l-Awstralja. Fl-età ta’ 15-il sena, wara vjaġġ iffokat fuq il-BMX lejn l-Istati Uniti, Todd tpoġġa fit-tieni post f’kompetizzjoni professjonali. Sussegwentement ġew sponsors u opportunità reali. Todd eventwalment għamel it-triq tiegħu lejn Nitro, u hu ma ħares qatt lura, b’sensiela sħiħa ta’ tricks impressjonanti. Huwa kien konkorrent serju fil-Logħob Dinji tan-Nitro, fejn għamel il-finali li jikkompetu ma’ xi wħud mill-aħjar riders fid-dinja.
