Illejla jiftaħ is-separju fuq l-Għaxaq Music Festival, bir-rebbieh tal-Grammy Award għas-sena 2024, Julian Marley & The Uprising bit-Tour Mondjali ‘Colors of Royal’.
Fil-fatt, illum waranofsinhar wasal f’pajjiżna flimkien mat-team tiegħu l-artist ta’ fama mondjali, fejn kien milqugħ minn ammont ta’ ammiraturi.
Julian Marley, li huwa t-tifel tal-ikona tal-mużika Raggae, il-leġġendarju Bob Marley, kompla fuq il-passi ta’ missieru u llum il-ġurnata stabillixxa lilu nnifsu bħala wieħed mill-vuċijiet l-aktar influwenti tar-raggae. Julian Marley ġibed udjenzi kbar madwar id-dinja b’melodija li ssaħħrek bil-ħoss ikoniku tiegħu.
Id-donazzjonijiet kollha miġbura se jkunu miġbura għall-Embrace Diversity Organization, b’€26,000 jkunu miġbura s-sena l-oħra.
