Ħuta li normalment narawha fl-akwarji dehret tgħum fil-baħar tal-port ta’ Marsamxett. Il-ħuta tat-tip Azure damoiselle dehret tgħum ġo ilma f’fond ta’ madwar żewġ metri.
Esperti fil-qasam qalu li l-possibilità hija li xi ħadd rema din il-ħuta fil-baħar madankollu wieħed ma jistax jeskludi l-possibilitàl-oħra li din daħlet ġol ballast ta’ bastimenti li daħlu Malta mill-Kanal ta Swejż.
Din m’hijiex l-ewwel speċi aljena li dehret fl-ibħra Maltin hekk kif s’issa dehru madwar 80 speċi aljen fl-ibħra territorjali Maltin. Jekk wieħed jiltaqa’ ma speċi ta ħut mhux tas-soltu mistieden jibgħat ritratt bil-lokazzjoni fuq l-email aliensmalta@gmail.com
