Il-Malta Aquarist Society qed torganizza l-wirja annwali fil-klabb tagħha f’37, Triq is-Summiena, fil-Fgura sa nhar il-Ħadd li ġej, 13 t’Ottubru.
B’aktar minn 190 akkwarju mimlijin b’varjazzjonijiet ta’ ħut, minn dak żgħir, bħal Guppies, sa ieħor kbir, bħal Koi, u anke dawk eżotiċi bħall-Piranha, din hi attività interessanti li tolqot il-gosti mhux biss tad-dilettanti, imma wkoll tal-familja kollha.
REKLAM
SKROLLJA BIEX TKOMPLI
Il-wirja, li ilha tittella’ għal iżjed minn ħamsin sena, tinsab miftuħa kuljum bejn l-4:00 ta’ waranofsinhar u s-7:00 ta’ filgħaxija, waqt li s-Sibt u l-Ħadd tiftaħ mid-9:00 ta’ filgħodu sat-8:00 ta’ filgħaxija.
