Fiċ-ċentru ta’ Eichstätt, belt fl-istat federali tal-Bavarja, IBB Hotel Collection ibbażata f’Malta għadha kemm qegħdet l-ewwel ġebla tal-pedament tal-IBB Hotel Eichstätt li se tinbena propju fiċ-ċentru tad-distrett il-ġdid magħruf bħala “Spitalstadt”. Din il-lukanda eleganti ta’ erba’ stilel hi ppjanata li tiftaħ fir-rebbiegħa tal-2020.
Inqas minn erba’ xhur ilu, f’Diċembru li għadda, l-IBB Hotel Collection fetħet il-Cugó Gran Macina Grand Harbour fil-belt storika tal-Isla, akkomodazzjoni lussuża li tgawdi port uniku, veduti spettakolari u l-aqwa u l-aħjar f’dak li hu lussu modern. Iktar tard din is-sena, il-kumpanija issa dalwaqt se tiftaħ il-bibien tal-IBB Hotel Valletta Merkanti.
Iċ-ċerimonja ta’ groundbreaking f’Eichstätt timmarka l-bidu ta’ fażi ġdida fil-pjan tal-bini ta’ din il-lukanda, issa li għadu kemm tlesta x-xogħol ta’ skavar fuq is-sit. Il-propjetà tappartjeni lill-grupp Meier minn Eichstätt stess, filwaqt li l-lukanda se titħaddem mill-IBB Hotel Collection skont kuntratt ta’ kera fit-tul.
