Hollywood maħkuma min-nirien – 5 mejta u 130,000 evakwati

In-nar qawwi li beda jinfirex b’mod drastiku f’California l-Istati Uniti, kompla jintensifika hekk kif issa n-nar infirex ukoll għal Hollywood u iktar minn mija u tletin elf persuna ingħataw ordni biex jevakwaw minn darhom.

Ħames persuni huma kkonfermati mejta.

Pumpiera li tkellmu mal-midja internazzjonali sostnew kif qed jesperjenzaw nuqqas kbir ta’ ilma.

In-nar infirex daqshekk malajr kawża tar-riħ qawwi ħafna, b’buffuri li laħħqu l-160 kilometru fis-siegħa, u l-umdità jew in-nixfa fl-arja f’dawn l-inħawi.

Ilbieraħ Los Angeles iddikjara stat ta’ emerġenza wara li medda kbira ta’ art inħakmet min-nirien u intqal li l-agħar ta’ din is-sitwazzjoni għadu ġej.