Qormi Daikin rebħu s-Super Cup tal-Hockey, sponsorjata mill-Għaqda Ġurnalisti Sports, hekk kif fil-finali li saret il-Ħadd filgħodu f’Kordin huma għelbu lil GREE Sliema Hotsticks 3-0.
Il-finali laqqgħet lir-rebbieħa tal-kampjonat tal-istaġun li għadda Sliema u r-rebbieħa tal-kompetizzjoni Knock Out Qormi.
REKLAM
SKROLLJA BIEX TKOMPLI
Il-goals ta’ Qormi ġew skurjati minn Juan Sarcia (penalty), Kyle Micallef u Steve Tanti.
Fi tmiem il-finali saret il-preżentazzjoni tat-tazza lil Daniel Ellul minn Robert Busuttil f’isem l-Għaqda Ġurnalisti Sport.
