Ma’ kull minuta li tgħaddi fir-Rainbow Ward tal-isptar Mater Dei isir xogħol li minkejja li ma jidhirx huwa wieħed imprezzabbli. Ħidma miġbura f’dan il-filmat li fost id-dieqa u l-uġigħ sab it-tbissima fuq fomm tfal li qed jiġġieldu l-battalja tal-kanċer.
Battalja diffiċli li mhux qed jiġġieldu waħedhom, iżda qed jiġġieldu flimkien mal-familjari, t-tobba u l-istaff mediku. Wieħed japprezza filmati bħal dawn li juru l-għajnuna u l-ħidma li qed issir biex iċ-ċkejknin bi preżent diffiċli qed jingħataw l-aqwa għajnuna biex il-futur ikun aktar faċli.
