Rebħa ta’ 3-1 kontra t-tim ta’ Birkirkara wasslet sabiex Hibernians jiġu ddikjarati champions fil-logħba ta’ qabel l-aħħar tal-istaġun 2021/2022.
B’54 punt, u 6 punti fuq it-tim ta’ Floriana li jinsab fit-tieni post Hibernians ssiġillaw dan l-istaġun li kien wieħed pożittiv ferm għalihom u f’għeluq iċ-ċentinarju tal-klabb Pawlista. Dan huwa t-tlettax-il kampjonat mirbuħ minn Hibernians. Dan kien staġun tajjeb ħafna għal Hibernians li matulu sofrew biss żewġ telfiet.
L-aħħar logħba ta’ dan il-kampjonat mistennija tintlagħab nhar is-Sibt kontra Gzira United fl-istadium Nazzjonali ta’ Ta’ Qali. Wara din il-logħba Hibernians mistennija jingħataw it-trofew tal-BOV Premier League għat-tlettax-il darba fl-istorja.
Dan l-istaġun huwa l-ewwel wieħed li se jkun beda u spiċċa kompletament, wara nuqqas ta’ sentejn kawża tal-pandemija.
