Is-sibt wara nofsinhar bdiet tintlagħab l-24 ġurnata mill-Kampjonat Premier bl-aktar partita mistennija bla dubju kienet dik bejn Hibernians FC u Floriana FC fl-Stadium Nazzjonali f’Ta’ Qali.
Matul l-ewwel taqsima ż-żewġ timijiet kellhom iċ-ċansijiet ta’ skor tagħhom bl-aħjar ċans għat-tim minn Raħal Ġdid jasal fil-26 minuta permezz ta’ Jurgen Degabrielle bit-tim ta’ Floriana jirrispondu b’free-kick ta’ Paiber li ġie mblukkat minn Kone.
Fit-tieni taqsima ż-żewġ goalkeepers ftit li xejn kellhom x’jagħmlu bil-konfront eventwalment jintemm 0 – 0.
Fit-Tony Bezzina Stadium draw ta’ 2 – 2 fl-ewwel logħba tas-sibt wara nofsinhar bejn St. Lucia FC u Sirens FC.
It-tim minn San Pawl il-Baħar fil-vantaġġ fil-41 minuta permezz ta’ Bogdan Gavrilla bl-ewwel taqsima tintemm 1 – 0. St. Lucia ħarġu tajjeb ħafna fit-tieni 45 minuta fejn skorjaw żewġ gowls f’spazzju ta’ tlett minuti permezz ta’ Valpoort biex marru għal ewwel darba fil-vantaġġ. Kwarta mit-tmiem Gavrilla reġa skorja għal Sirens għal skor finali ta’ 2 – 2.
Fit-tieni logħba tas-Sibt wara nofsinhar Mosta FC tefaw lil Balzan f’inkwiet serju meta għelbuhom 3 – 2.
Balzan fil-vantaġġ eżatt qabel tmiem l-ewwel taqsima permezz ta’ Mijic bil-partita timmaterjalizza fl-aħħar kwarta. Akinbule ġab id-draw fil-73 minuta bil-veteran Michael Mifsud jpoġġi lill-Mosta fil-vantaġġ ħames minuta wara. Akinbule għamel l-skor 3 – 1 fil-83 minuta b’Zlatkovic jnaqqas id-distakk għal 3 – 2 fil-92 minuta. Skor finali Mosta 3 Balzan 2.
