Fl-unika partita tal-Ħadd fic-Centenary Stadium Hibernians kisbu t-tielet rebħa konsekuttiva taħt t-tmexxija tal-kowċ Silvio Vella, dan hekk kif huma irnexxilom idawru telfa f’rebħa wara li sabu ruħhom 2-1 minn taħt.
Appena għaddew żewġ minuti mill-ftuħ tal-partita kienu t-tim ta’ Hibernians li feħtu l-iskor meta kien Joao Vitor de Oliveria għadda ballun lejn Jurgen Degabriele li dar tajjeb u prova xutt li għeleb lill-goalkeeper ta’ Santa Lucia, Matthew Calleja Cremina.
Fit tmien minuta kienu Hibernians għal darba oħra meta Thaylor Aldama ra x-xutt tiegħu jgħaddi ftit barra.
Fil-25 minuta kien hemm protesti minn naħa ta’ Santa Lucia, wara li Robert Hehdosh deher li twaqqa fil-kaxxa bir-referi tal-partita ma jara’ ebda skoretteza u ħalla l-logħob għaddej.
Żewġ minuti wara Santa Lucia għamlu l-iskor indaqs meta xutt mid-distanza ta’ Yevhenii Terzi li ħasad għal kollox lill-goalkeeper Justin Haber u għamel l-iskor 1-1.
Għaxar minuti minn tmiem l-ewwel taqsima kien Jurgen Degabriele li prova xutt li kien imdawwar f’korner mill-goalkeeper Calleja Cremona.
HT 1-1
Fl-ewwel azzjoni tat-tieni taqsima, fl-54 minuta, Santa Lucia irnexxilom jmorru fil-vantaġġ meta kien Yevhenii Terzi li rċieva ballun u minn pożżizjoni xejn ideali irnexxilu jitfa l-ballun fix-xibka u għamel l-iskor 2-1.
Tlett minuti wara u kienu Hibernians li resqu viċin meta kien hemm xutt ta’ Ferdinando Apap li kien salvat minn Matthew Calleja Cremona. Sekondi biss wara Hibernians mill-ġdid viċin il-gowl tad-draw permezz ta’ freekick ta’ Jurgen Degabriele li spiċċa mal-lasta l-minduda qabel ma’ spiċċa barra.
Fl-azzjoni sussegwenti Hibernians protestaw għal penalty meta kien hemm deher li possibilment kien hemm kuntatt ma’ id l-plejer ta’ Santa Lucia Yoel Lorenzo Fonseca Suares.
Hibernians għamlu l-iskor indaqs fit-73 minuta meta wara azzjoni ta’ freekick l-goalkeeper Matthew Calleja Cremona ma’ żammx, bil-ballun jispiċċa għand Ferdinando Apap li xeħet il-ballun fix-xibka.
Fit-83 minuta Santa Luċia protestaw għal penalty wara li Robert Hehdosh waqa’ fil-kaxxa, iżda r-referi Darryl Agius wera il-karta safra lill-plejer ta’ Santa Lucia għal simulazzjoni.
Ħames minuti mit-tmiem u Hibernians skorjaw il-gowl tar-rebħa meta kien s-sostitut Yunusa Muritala li b’xutt fil-baxx ħasad għall-kollox lill-Matthew Calleja Cremona u ta’ rebħa u tlett punti lil Hibernians.
Referee: Darryl Agius
Plejer tal-Logħba kien Yevhenii Terzi ta’ Santa Lucia.
