Hibernians rritornaw għar-rebħ meta għelbu lil Melita bl-iskor ta’ 2-0, biż-żewġ goals għalihom jaslu proprju fl-ewwel taqsima.
Il-Pawlisti fetħu l-iskor wara biss żewġ minuti meta minn freekick mogħti minn Jurgen Degabriele lejn l-kaxxa sab lill KURT SHAW żmarkat li b’daqqa ta’ ras preċiża tefa’ ġewwa.
Melita wieġbu fil-31 minuta permezz ta’ freekcik mogħti minn Matthew Debattista li sab lill- attakant ta’ Melita li kellu d-daqqa ta’ ras mill-viċin tiġi salvata tajjeb mill-goalkeeer ta’ Hibernains, Pablo Nino Sanchez.
Fl-40 minuta , Hibernians irrduppjaw l-iskor meta f’azzjoni maħduma bizzilla Giannis Bastiannos sab lill JURGEN DEGABRIELE fil-kaxxa li b’xutt mill-ewwel spara ġewwa.
Fit-43 minuta , Hibernians resqu viċin li jiskurjaw it-tielet goal meta minn kontrattakk veloċi ta’ Alex Silva, huwa avavnza sa’ tarf l-kaxxa għadda tajjeb fil-baxx lejn Jurgen Degabriele li b’xutt fil-baxx mal-ewwel ra t-tentattiv tiegħu jiġi salvat bi bravura minn Gosef Mizzi biex l-ewwel taqsima intemmet 2 – 0.
Hibernians komlew fuq l-offenisva u fis-57 minuta Alfred Silas kellu xutt mill-viċin li ntemm għoli.
Fil-61 minuta, Melita qalgħu daqqa ta’ħarta meta spiċċaw jilgħabu b’10 plejers wara li tkeċċa għalihom il-player Aldair Simanca wara protesti mar-referee Daniel Casha.
Tliet minuti wara, Hibernians tilfu ċans tad-deheb ta’ skor meta Jurgen Degabriele qabbeż il-ballun minn fuq il-goalkeeper Mizzi iżda pront kien plejer ta’ Melita li kklerja l-ballun minn fuq il-linja f’corner.
Fid-89 minuta, Dexter Xuereb għall-Pawlisti minn quddiem Mizzi tefa’ għoli.
Plejer tal-Logħba: Jurgen Degabriele
Referee: Daniel Casha
