Hibernians ħasdu bil-kbir lil Hamrun Spartans meta għelbuhm bl-iskor ta’ 2-1, biż-żewġ goals għalihom jaslu fl-ewwel taqsima, liema skor seta’ saħansitra jkun ikbar favurihom li kieku ma sabux lill-goalkeeper ta’ Hamrun Henry Bonello f’vena mill-aqwa li salva diversi goals ċerti tul id-90 minuta.
B’hekk huma kisbu l-passaġġ għall-finali tant mistennija tal-Meridianbet FA Trophy fejn se jkunu qed jaffrontaw lil Birkirkara, li fis-semi-finali ta’ qabel għelbu lil Floriana.
Kienu Hamrun li ħolqu l-ewwel periklu fis-seba’ minuta meta Jovan Cadenovic għadda tajjeb lejn Joseph Essien Mbong li kellu speċi ta’ cross jistampa mal-wieqfa, bil-goalkeeper Spanjol ta’ Hibernians, Pablo Nino Sanchez, maħsud għal kollox u bil-Pawlisti jeħilsuha ħafif.
Huma komplew jiddettaw il-logħob u fit-23 minuta, Redon Mihana, xeħet cross fil-baxx mil-lemin għan-nofs, iżda ħadd mill-players sħabu ma rnexxielu jagħmel kuntatt mal-ballun, bl-azzjoni tisfuma fix-xejn.
Iżda kontra x-xejra tal-logħob, Hibernians fetħu l-iskor eżattamant mas-siegħa logħob meta JURGEN DEGABRIELE b’opportuniżmu liema bħalu, sintomatiku ta’ dan il-player, tefa’ ġewwa, bl-azzjoni tibda minn throw-in ta’ Kurt Shaw, bil-ballun jintemm għand il-captain Bjorn Kristensen li venven xutt mid-distanża li ġie salvat parzjalment mill-goalkeeper internazzjonali ta’ Hamrun, Henry Bonello.
Huma komplew jipressaw u fit-42 minuta rebħu penalty meta Joseph Essien Mbong waqqa’ lil Natha Felici Carvalho fil-kaxxa. Mill-11-il metru inkarigu ruħu l-iskorer prolifku Brażiljan li kellu staġun mill-aqwa, LUCAS VILLELA LAPERT, li b’eleganza permezz ta’ xutt fil-baxx tefa’ l-ballun naħa u lil Bonello n-naħa opposta.
Fil-ftuħ tat-tieni taqsima, Hibernians komplew bl-istess ritmu ta’ tmiem l-ewwel waħda u fil-50 minuta, fetħu beraħ id-difiża avversraja meta Natha Felicio Carvalho kellu x-xutt tiegħu mill-viċin salvat tajjeb minn Bonello, biex salva goal ċert.
Hamrun wieġbu fil-55 minuta meta l-iskorer prolifiku Brażiljan Raphael Lopes Silva qabeż tajjeb lil sanchez, qabel kellu l-konklużjoni fil-baxx tiegħu tintemm barra.
Huma komplew jippressaw u meritatament żewg minuti biss wara naqqsu l-margni tal-iskor meta JOSEPH ESSIEN MBONG, dar tajjeb ma’ Rui Bruno Ribeiro u permezzz ta’ xutt fil-baxx għadda l-ballun minn taħt Sanchez, biex b’hekk patta bis-sħiħ għall-penalty li wettaq lejn tmeim l-ewwel taqsima li wassal għat-tieni goal ta’ Hibernians.
Iżda kienu l-Pawlisti li resqu viċin it-tielet goal meta l-awtur tal-ewwel goal Jurgen Degabriele ġie wiċċ imb’wiċċ ma’ Bonello iżda ra lil dan tal-aħħar idawwar tajjeb f’corner, biex reġa’ salva goal ċert.
U f’botta u risposta, Hamrun resqu qrib il-goal tad-draw fl-64 minuta meta l-ġojjell Kroat Roko Prsa kellu daqqa ta’ ras mill-viċin li ntemmet ftit barra.
Il-partita kompliet tisbieħ u fis-67 minuta l-awtur tat-tieni goal minn penalty għal Hibernians Lucas Villela Lapert kellu konklużoni fil-baxx salvata minn Bonello b’siequ, biex reġa’ rriżulta bħala strumentali għall-Ħamruniżi.
Hamrun wieġbu fil-71 minuta meta Mbong xeħet cross fid-direzzjoni ta’ Prsa li iżda mill-viċin sab lil Sanchez attent, li salva tajjeb minn mal-art.
Fl-84 minuta, Hibernians, kellhom f’saqjhom il-ballun tat-tielet goal, meta s-sostitut Alex Bruno De Souza Silva kellu x-xutt fil-baxx tiegħu salvat atjjeb għal darb’oħra minn Bonello b’siequ, biex reġa’ żamm lit-tim tiegħu fil-partita.
Fid-89 minuta freekick ċentrali ta’ Raphael Lopes Silva għal Hamrun ġie salvat tajjeb għalkemm b’diffikultá minn Sanchez.
Fil-ħin miżjud, tentattiv iddisprat minn Ryan Camenzuli għall-Ispartans, permezz ta’ xutt b’saħħtu mid-distanza ntemm għoli.
Hamrun spiċċaw il-partita jilagħbu b’għaxar players meta tkeċċa għalihom permezz ta’ karta ħamra diretta, il-player Ognjen Bjelicic, wara daħla xejn kumplemuntuża fuq player ta’ Hibernians.
Hibernians komplew jamministraw il-vantaġġ minimu li kellhom sa tmiem il-partita, biex meritatament kisbu l-passaġġ għall-finali ta’ nhar il-Ħadd.
Referee: Trustin Farrugia Cann
