Fit-tieni partita tal-Ġimgħa fit-Tony Bezzina Stadium iltaqħu Balzan u Hibernians, partita li fiha spikka id-dwell bejn l-aħwa, Tristian Caruana għal Balzan u Lucas Caruana għal Hibernians b’dawn tal-aħħar jirbħu 1 – 0 biex ħadu t-tliet punti u komplew ikabbru l-problemi tal-avversarji fil-ġurnata.
L-ewwel azzjoni tal-partita waslet minn Hibernians fis-sitt minuta meta kien Bjorn Kristensen li għadda ballun l-quddiem lejn Giannis Bastianos li kellu x-xutt tiegħu minn tarf l-kaxxa jispiċċa ferm għoli.
Fl-azzjoni li segwiet żewġ minuta wara kienu Balzan meta Ryan Pulis tefa’ ballun il-quddiem lejn Jan Busuttil, li kellu l-konklużjoni tajba tiegħu tkun mdawwra f’corner mill-goalkeeper Pawlist Hugo Sacci.
Fl-24 minuta reġgħu Balzan meta kien freekick dirett ta’ Marcel Silva Lima għadda għoli.
Tlett minuti wara u għall-darb oħra kienu Balzan meta kien Elvis Kamsoba li rcieva mingħand Jan Busutill u mal-ewwel reġgħa’ tefa’ fid-direzzjoni ta’ Jan Busuttil li daħal fil-kaxxa iżda qabel ipprova jikkonkludi kien Gabriel Fernandes li antiċipa l-periklu.
Fit-38 minuta freekick qasir ta’ Tristan Caruana għal Balzan u x-xutt minn ġol-kaxxa ta’ Braham Stanic kien mdawwar f’corner mill-goalkeeper Sacco.
Tlett minuti minn tmiem l-ewwel taqsima Balzan mill-ġdid perikolużi meta kien hemm corner ta’ Jan Busuttil u d-daqqa ta’ ras ta’ Marcel Lima ntemmet għolja.
L-ewwel azzjoni tat-tieni taqsima li waslet fil-50 minuta minn corner ta’ Giannis Bastianos u kien Bjorn Kristensen li prova jikkonkludi bit-takkuna, bil-goalkeeper ta’ Balzan Danilo Golovic isalva tajjeb.
Fit-53 minuta wieġbu Balzan, meta kien Jan Busuttil li kellu x-xutt bid-dawra tiegħu mdawwra f’corner mill-goalkeeper Sacco.
Żewġ minuti wara mill-ġdid Balzan meta Awosanya seraq ballun fil-kaxxa u għadda lill-Akpan li niżżel l-ballun u kien Triston Caruana li xxutja għoli.
Ma’ kważi siegħa logħob azzjoni għal Hibernians meta kien Jurgen Degabriele li kellu x-xutt debboli tiegħu salvat minn Golovic.
Fi- 69 minuta Balzan resqu qrib meta kien Marcel Silva li tefa kross fil-baxx u minn taħt l-lasti Jan Busuttil naqas milli jolqot l-ballun, bl-istess ballun jibqa għaddej u l-azzjoni tisfuma fix-xejn.
Fl-azzjoni li seġwiet mumenti biss wara Hibernians fetħu l-iskor meta kienet Alfred Silas li tefa kross tajjeb li sab lis-sostitut Muillen Natha li wara li kkontrolla, b’xutt bid-dawra tefa’ l-ballun fix-xibka.
Fl-74 minuta kienu Hibernians li resqu qrib meta Bjorn Kristensen tefa’ ballun l-quddiem fid-direzzjoni tas-sostitut Isaiah Chukunyere li ra x-xutt tiegħu jispiċċa mal-lasta.
Fit-88 reġgħu Hibernians permezz ta’ Bjorn Kristensen li kellu kross fil-baxx fil-kaxxa li sab eżatt lill-Isaiah Chukunyere li kellu x-xutt salvat minn Danilo Golovic.
Fil-ħin mizjud reġgħa kien l-istess Isaiah Chukunyere li wara li rċieva, avvanza daħal fil-kaxxa, qabez plejer avversarju ra x-xutt tiegħu jgħaddi għoli.
Referee: Ishmael Barbara
Plejer tal-logħba: Jan Busuttil (Balzan FC)
