Kienet partta pjaċevoli dik li rat lil Hibernians idawru telfa f’rebħa meta għelbu lil Żabbar St. Patrick bl-iskor ta’ 2-1.
Qabel il-partita, il-captain tal-Pawlisti Bjorn Kristensen ingħata flokk kommemorattiv hekk kif lagħab l-400 logħba ma’ Hibernians.
Kienu Zabbar li ħolqu l-ewwel periklu fl-10 minuta meta Brian Gambarte kellu xutt li netmm ftit għoli.
Hibernians wieġbu tliet minuti wara meta xutt ta’ Ayrton Attard ġie salvat f’corner mill-goalkeeper żagħżugħ ta’ Zabbar Luca Camilleri.
Dan sabiex fil-ħin miżjud, Zabbar fetħu l-iskor meta VINICIUS DE PAVIA permezz ta’ xutt fil-baxx għeleb għal kollox lil Pablo Sanchez.
Fil-51 minuta, freekick ta’ Ayrton Attard għal Hibernians għadda ftit għoli.
Il-Pawlisti komplew jiddettaw il-logħob u fit-68 minuta, wara li rċieva minn cross mil-lemin, JURGEN DEGABRIELE b’xutt sabiħ għeleb lil Camilleri.
Kulma jmur kompla d-domnju ta’ Hibernians u fit-80 minuta skorjaw il-goal tar-rebħa meta FEDERICO FALCONE minn pożizzjoni ideali tefa’ gewwa biex l-skor baqa lis-stess sat-tmiem il-partita
Referee: Alex Johnson
Plejer tal-Logħba: Jurgen Degabrielle (Hibernians FC)
