It-Tlieta wara nofsinhar Hibernians FC resqu protest fil-konfront ta’ Hamrun Spartans FC hekk kif skont it-tim minn Raħal Ġdid, Hamrun Spartans utilizzaw plejer li ma’ setgħax jilgħab.
Il-plejer inkwistjoni huwa Christian Rutjens li daħal jilgħab fil-78 minuta.
Mill-informazzjoni li għandhom Hibernians FC, fl-2022, meta Rutjens kien plejer ta’ Floriana FC, tkeċċa u ġie sospiż tlett logħbiet liema sospenzjoni qatt ma’ ġiet oservata kollha minkejja li l-plejer wara Floriana FC lagħab ukoll ma’ Foggia FC fl-Italja u Chindia FC fir-Rumanija.
Il-plejer kien skonta sospenzjoni ta’ logħba ma’ Floriana FC u għalhekk kien fadalu żewġ logħbiet oħra x’josserva bħala sospenzjoni liema żewġ logħbiet suppost ġew osservati meta huwa beda l-esperjenza tiegħu ma’ Foggia FC.
Hamrun Spartans rebħu l-konfront tas-Sibt li għadda 2 – 1.
