Bi skor ta’ Hibernians 3-1 St Andrews, il-Hibernians ġew dikjarati Champions tal-Kampjonat Premier Malti għat-12-il darba.
Il-partitarji tal-Hibs kienu qed jistennew din il-partita b’ħerqa kbira u fit-13-il minuta bdew jiċċelebraw hekk kif il-plejer Bjorn Kristensen fetaħ l-iskor.
Iżda dan kien segwit bi skor ta’ St Andrews, ħames minuti wara. Iżda fit-28 minuta Hibernians reġgħu marru fil-vantaġġ permezz ta’ Jackson Lima.
Biex imbagħad wasal it-tielet gowl fit-68 minuta permezz ta’ Jorginho. Huma ġew dikjarati champions wara li lbieraħ Balzan spiċċaw bi draw ta’ 1-1 mal-Ħamrun u b’hekk għalkemm fadal partita oħra Balzan xorta ma jistgħux jilħqu lil Hibernians.
