Kleaven Agius ta’ 24 sena minn Ħaż-Żabbar ngħata l-ħelsien mill-arrest wara li tressaq il-qorti fuq akkużi ta’ pussess ta’ droga.
Iż-żagħżugħ ġie arrestat is-Sibt filgħaxija f’Birżebbuġa meta nstab li fil-vettura tiegħu kellu sustanza suspettata kokaina, raża u ħaxixa tal-kannabis, u flus kontanti li jammontaw għal aktar minn €12,000.
Huwa wieġeb mhux ħati.
Il-Maġistrat Ian Farrugia tah il-ħelsien mill-arrest fuq depożitu ta’ €2000 u garanzija personali ta’ €3000.
Għall-akkużat deher l-avukat Ishmael Psaila.
