Cleaven Mallia ta’ 22 sena minn Santa Venera, ingħata l-ħelsien mill-arrest wara li kien ilu disat ijiem jinżamm arrestat fuq akkuzi ta’ traffikar ta droga.
Quddiem il-Maġistrat Neville Camilleri, xehedet persuna fil-magħluq li allegatament jixtri d-droga.
L-Ispettur Jonathan Cassar qal li l-pulizija rċeviet informazzjoni li l-akkużat qed jittraffika d-droga u jżomm id-droga f’garaxx f’Ħal Balzan. Bil-pulizija arrestatu fil-pjazza ta’ Santa Venera.
Mal-pulizija huwa qal li għandu problema tad-droga.
Il-Qorti tagħtu l-ħelsien mill-arrest fuq depożitu ta’ tlett elef ewro u garanzija personal ta’ għaxart elef ewro. Huwa jrid jiffirma fl-għassa.
Huwa ġie assistit mill-Avukati Franco Debono u Amadeus Cachia.
