L-avventura ta’ HazZzard tkompli nhar it-Tnejn 10 ta’ Novembru, fit-20:30 fuq ONE.
L-avventura ta’ din is-sena ħadet għall-ewwel darba lill-parteċipanti f’destinazzjoni ‘l barra mill-kontinent Ewropew. Iżrael u l-Palestina, fil-Lvant Nofsani.
Fil-programm preċedenti, il-parteċipanti affaċċjaw diversi sfidi madwar Tel-Aviv. Wieħed irid iqis is-sħana qawwija ħafna li tagħmel f’ dan il-pajjiz tal-Lvant Nofsani. Ma huwiex facli li tiġri minn post għall-iehor f’ din il-Belt, għal diversi siegħat, fis-sħana qawwija u ġġor il-basket tqil tal-avventura wara dahrek.
Fil-programm li ġej, minn Tel-Aviv, il-parteċipanti se jivvjaġġaw lejn in-naħa ta’ isfel tal-pajjiz, f’post jismu Lotan, fil-qalba tad-deżert Negev. Sabiex jaslu, il-parteċipanti għandhom vjagg ta’ aktar minn 6 siegħat. Hawnekk, ser jgħixu ma’ komunita ta’ nies imsejħa Kibbutz. F’dan il-Kibbutz, il-parteċipanti se jħabbtu wiċċhom ma’ diversi sfidi u xogħol iebes fis-sħana qawwija ħafna tad-deżert. Wara dawn l-isfidi, il-partecipanti ser jivvjaġġaw lejn il-fruntiera, fejn l-avventura ser tkompli f’destinazzjoni gdida. Liema hija d-destinazzjoni l-ġdida ta’ din is-sena?
Niskopru ħafna iktar kurżitajiet it-Tnejn fit-20:30 fuq ONE.
Sadanittant inħeġġukom issegwu l-aħħar aġġornamenti mit-Tnejn sal-Ġimgħa fis-07:50 u fil-17:20 fuq ONE.
Trid tkun protagonist f’HazZzard 2019?
Biex tapplika trid sempliċiment tidħol fil-paġna ta’ HazZzard fuq facebook u tħalli messaġġ privat. It-tim tal-produzzjoni jibgħatlek il-formula tal-applikazzjoni. L-applikant imbgħad jintalab biex jattendi għall-intervista, biċ-ċans li jintagħżel għall-programm. Biex persuna tapplika jrid ikollha 18-il sena.
