L-istilla tal-futbol tan-nisa Hayley Bugeja waslet l-Istati Uniti biex tibda l-avventura tagħha ma’ Orlando Pride.
Il-Maltija li s-sena li għaddiet kienet qed tilgħab fl-ogħla livell ta’ futbol fl-Italja kienet qed tiġbed l-interess ta’ diversi timijiet u l-avventura fil-kampjonat tal-Istati Uniti, fejn il-futbol tan-nisa hu ta’ livell ogħli ħafna, qed tkun meqjusa bħala pass importanti ‘l quddiem fil-karriera tagħha.
REKLAM
SKROLLJA BIEX TKOMPLI
F’għadd ta’ klassifiċi li jiġġudikaw il-plejers Bugeja għamlitha mal-aqwa plejers żgħażagħ li jeżistu bħalissa fil-futbol tan-nisa. Saħansitra rebħet l-unur tal-aqwa plejer żagħżuha fis-Serie A.
“Hayley hija waħda mill-aqwa talenti fid-dinja u ninsabu sodisfatti li ngħaqdet mal-klabb tagħna,” qalu l-uffiċjali ta’ dan il-klabb.
