Il-kantanta Maltija Ira Losco u l-kok Malti Sean Gravina qed jistennew it-tieni wild tagħhom.
Fuq il-paġna ta’ Facebook Ira qalet li binha Harry se jkollu oħtu f’Novembru li ġej.
Ira qalet li hi ser tkompli bil-ħidma mużikali tagħha sakemm tkun tista’, kemm minħabba saħħitha kif ukoll għal saħħet it-tarbija f’ġufha.
Hija esprimiet il-ferħ li għandhom, u li qed jistennew ħerqana t-twelid ta’ bintha, sabiex il-familja tagħha minn tlieta tiġi erbgħa.
Kienu diversi li awguraw lil din il-familja wara li l-Ħadd filgħodu Ira qasmet mal-poplu din l-aħbar mill-isbaħ.
