Aggressur armat qatel minn tal-inqas ħames persuni f’stabbiliment li fih kien qed isir festival tal-mużika elettronika f’Playa del Carmen fil-Messiku.
Dawk li kienu qed jattendu l-għeluq ta’ dan il-festival fl-istabbiliment Blue Parrot qalu li semgħu tiri u raw l-iġsma tan-nies mal-art. Minn tal-inqas tnax-il persuna oħra ndarbu.
Dan filwaqt li rapporti mhux konfermati qalu li kienu sparati tiri fl-istabbiliment The Jungle, fejn kien hemm avveniment ieħor marbut mal-festival.
