Kavallieri RS2 – REBBIEĦA KNOCK-OUT TAN-NISA
Swieqi Media Troopers Phoenix vs Kavallieri RS2 28-34
Kavallieri RS2 rebħu l-aħħar trofew tal-istaġun wara li għelbu liċ-champions il-ġodda Swieqi Media Troopers Phoenix. Kienet logħba pjuttost bilanċjata fl-ewwel parti fejn iż-żewġ timijiet urew livell ta’ handball tajjeb. Kavallieri RS2 marru minn fuq bi 3 gowls fi tmiem l-ewwel taqsima u żiedu d-distakk għal 6 gowls fi tmiem il-partita. Daniela Mifsud (Swieqi Media Troopers Phoenix), Irene Drugovic (Kavallieri RS2) u Daryl Azzopardi (Kavallieri RS2) kienu l-aqwa skorers tal-partita b’10 gowls kull wieħed.
Swieqi Bajada New Energy Phoenix – REBBIEĦA KNOCK-OUT IRĠIEL
Kavallieri RS2 vs Swieqi Bajada New Energy Phoenix 25-39
Kavallieri RS2 qasmu l-logħba sad-19-il minuta, meta ċ-champions Swieqi Bajada New Energy Phoenix bdew jibnu vantaġġ u daħlu jistrieħu b’marġni ta’ 8 gowls (12-20). Swieqi Bajada New Energy Phoenix ħarġu b’saħħithom fit-tieni taqsima u żiedu d-differenza għal 14-il gowl sa tmiem il-partita. Andy Mercieca (Kavallieri RS2) u Janko Radivojevic (Swieqi Bajada New Energy Phoenix) kienu l-aqwa skorers tat-timijiet tagħhom b’seba’ u disa’ gowls rispettivament.
