Vettura tat-tip Kia Avella, misjuqa minn raġel ta’ 69 sena, residenti Ħal Qormi, ħabtet ġo van tat-tip Isuzu Elf li kien wieqaf fi Triq San Bastjan, Ħal Qormi.
Wara d-daqqa, il-vann mexa u laqat raġel li dak il-ħin kien bil-wieqfa quddiem l-istess van. Ir-raġel milqut għandu 68 sena u huwa residenti l-Ħamrun.
Fl-isptar ġie ċċertifikat li qed isofri minn ġrieħi gravi. L-inċident seħħ dalgħodu, għall-ħabta tas-sebgħa neqsin għoxrin.
