Il-winger internazzjonali Malti Joseph Mbong jidher li lest li jingħaqad ma’ Ħamrun Spartans u jħalli lill-Hibernians FC hekk diġà hemm ftehim personali bejnu u bejn possibbilment il-klabb il-ġdid tiegħu.
Madankollu L-Argument jista’ jikkonferma li għadu ma ntlaħaq ebda ftehim bejn Hibernians FC u Ħamrun Spartans F.C. Din il-paġna għamlet kuntatt mat-Team Manager tal-klabb ta’ Hibernians FC Jesmond Abela li min-naħa tiegħu sostna li Ħamrun Spartans tkellmu mal-plejer mingħajr il-permess tagħhom meta il-plejer fadallu sena kuntratt ma’ Hibernians F.C. Abela sostna li f’dan l-istadju l-plejer mhuwiex għal bejgħ u staġun ieħor Joseph Mbong ser jerġa’ jilbes il-flokk tal-Pawlisti.
Joseph Mbong huwa wieħed mill-aqwa plejers fil-futbol Malti fejn f’numru ta’ partiti spikka kemm bil-flokk ta’ Hibernians F.C u anke bil-flokk tat-tim nazzjonali Malti.
Ritratt: Joe Borg
