Għall-ewwel darba fl-istorja tal-futbol lokali, il-captain tat-tim ta’ Ħamrun Spartans ser ikun liebes l-faxxa b’kulur differenti minn dak li mdorrijin narawh biha.
Dan hekk kif fil-logħba kontra s-Sirens, il-Captain tat-tim Matthew Guillaumier ser ikun qed iħaddan faxxa roża sabiex tinħoloq kuxjenza dwar il-kampanja ta’ Pink October.
Permezz ta’ filmat fuq il-paġna uffiċjali tat-tim fuq Facebook, il-captain tat-tim sostna li huwa l-obbligu tal-isportivi biex jitkellmu fuq suġġetti importanti fosthom dak dwar il-kanċer tas-sider.
Tenna li trid tintwera kompassjoni ma’ dawk li qed jirċievu t-trattament u għalhekk għandna nagħmlu l-parti tagħna sabiex noħolqu kuxjenza favur aktar ittestjar u screening.
Dan sabiex fl-aħħar mill-aħħar tissaħħaħ il-ġlieda kontra din il-marda qerrieda.
Ritratti u filmat: Ħamrun Spartans Football Club
