Il-jum tas-6 ta’ Jannar 2024 kien ilu mistenni minn bosta hekk kif dan kien jimmarka d-dwell mill-quċċata tal-klassifika bejn Hamrun Sparatns u Floriana. U dan il-konfront ma naqasx milli jilħaq l-aspetttattiva hekk kif Hamrun Spartans kisbu rebħa drammatika ta’ 1-0 proprju fil-ħin miżjud, bil-goal tant importanti għalihom jasal mill-midfielder Kroat, Roko Prsa.
Nistghu ngħidu li Floriana kienu l-aħjar team fl-ewwel taqsima, fejn fallew ukoll penalty fl-istadji bikrin tagħha, b’Hamrun jesprimu l-aħjar logħob fit-tieni taqsima, fejn ta’ dan ġew ippremjati permezz tal-goal tar-rebħa.
B’hekk Hamrun Spartans laħqu lil Florina fil-quċċata tal-klassifika b’29 punt.
Għall-Ispartans, irritorna Ryan Camenzuli wara li serva logħba sospensjoni.
Floriana rebħu penalty proprju fl-ewwel periklu li ħolqu fit-12-il minuta meta Kemar Reid twaqqa’ fil-kaxxa minn Steve Borg. Iżda mill-11-il metro inkariga ruħu Jose Ulises Arias li ra lill-goalkeeper internzzjonali Malti, Henry Bonello, isalva bi bravura wara li ntefa’ minn tulu fl-art.
Il-greens komplew fuq l-offensiva u man-nofsiegha logħob wara li rċieva minn corner, Owen Spiteri, kellu d-daqqa ta’ ras tiegħu, toħroġ l-aħjar ta’ Bonello, li dawwar tajjeb f’corner.
Kulma jmur kompla d-dominju tal-Greens u fid-39 minuta, Kemar Reid qabeż player avversarju qabel venven xutt b’saħħtu mid-distanza li għadda għoli biex sat-tmiem l-ewwel taqsima r-riżultat kien dak ta’ 0 – 0.
Kien biss fid-69 minuta li waslet l-azzjoni sussegwenti bl-Ispartans ikunu huma li joħolquk-periklu meta Joseph Essien Mbong kellu cross-shot mid-distanza li kważi qarraq għal kollox bil-goalkeeper Bulgaru tal-Greens, Georgi Kitanov, bil-ballun jidher jiżloqlu minn idu, bid-difiża tal-Greens iżda tkun pronta u ttajjar il-ballun minn fuq il-linja, fost protesti tal-players, diriġenti, u partitarji tal-Ispartans hekk kif kienu tal-fehma li l-ballun kien qabeż il-linja.
Floriana wieġbu ħames minuti wara, permezz ta’ xutt mid-distanza li ġie mdawwar f’corner minn Bonello.
Hamrun kienu sfortunati li ma fetħux l-iskor fit-82 minuta meta xutt minn barra l-kaxxa ta’ Luke Montebello ġie mdawwar f’corner minn Kitanov.
Iżda meta kollox kien qed jindika li l-partita kienet se tintemm fi draw, Hamrun Spartans, skorjaw il-goal tar-rebħa proprju fil-ħin miżjud, meta Luke Montebello niżżel il-ballun bir-ras lejn ROKO PRSA li mill-viċin tefa’ f’lasta vojta għal 1 – 0.
Referee: Ishmael Barbara
Plejer tal-Logħba: Kemar Reid (Floriana)
