Hamrun Spartans ftit li xejn tħabtu biex għelbu l-isfida ta’ Santa Lucia bl-iskor kbir ta’ 4-1. Kienet partita li fiha huma ddominaw mill-bidu sat-tmiem u kemmxejn taw ċans lill-Luċjani jiddettaw il-logħob tagħhom.
Kmieni fil-partita, eżattament fit-tmien minuta, il-coach Taljan tal-Ispartans Luciano Zauri kien kostrett jafftettwa sostituzzjoni sfurzata meta weġġa’ għalihom il-player Juan Carlos Corbalan, biex minfloku daħal jilgħab is-sostitut Ryan Camenzuli.
Hamrun kellhom lil Uros Duranovic u Roko Prsa sospiżi.
Kienu huma li ħolqu l-ewwel periklu fit-13-il minuta meta Ryan Camenzuli ttanta xortih permezz ta’ xutt mid-disatanza li ġie salvat f’żewġ tentattivi mill-goalkeeper ta’ Santa Lucia, Francisco Celio da Paz Silva.
L-Ispartans komplew fuq l-offensiva u żewġ minuti biss wara fetħu l-iskor meta Jonny għadda tajjeb lejn Luke Montebello li kellu x-xutt tiegħu mill-viċin salvat parzjalmennt mill-goalkeeper ta’ Santa Lucia, Celio da Paz Silva Filho, bl-istess skorer prolifiku internazzjonali Malti u l-aqwa skorer tal-kampjonat ikompli l-ballun għal ġewwa.
Hamrun irduppjaw l-iskor fil-45 minuta eżattament qabel tmiem l-ewwel taqsima meta Seth Painstil minn pożizzjoni ideali, u b’xamma kbira għall-goal tefa’ l-ballun fir-rokna tax-xibka, fost id-delirju ta’ ferħ tal-partitarji numerużi Ħamruniżi.
U jidher li Hamrun ma kinux kuntenti biżżejjed b’dan l-iskor hekk kif fil-ftuħ tat-tieni taqsima ħarġu ferm aggressivi u wara biss ftit sekondi rebħu penalty meta l-captain ta’ Santa Lucia, Jurgen Pisani, waqqa’ lil Ederson Bruno Domingos fil-kaxxa. Mill-11-il metru inkariga ruħu l-ispeċjalista Johnny li ma żbaljax.
Iżda Santa Lucia ma rmewx ix-xugaman anzi wettqu reazzjoni mmedjata u fis-66 minuta naqqsu l-marġni tal-iskor meta Ognjen Bjelicic għadda lejn Nemanja Krstic, bis-sostitut Gabriel Mensah jisraq il-ballun mingħand dan tal-aħħar, qabel serva fuq platt tal-fidda lil Alessio Piazza li minn tarf il-kaxxa spara ġewwa.
Il-partita kompliet ikkaratterizzata minn ħafna logħob f’nofs il-ground.
Dan sal-ħin miżjud meta Hamrun rebħu penalty hekk kif Gonzalo Nicolas Virano waqqa’ lis-sostitut Gabriel Vella, li kien il-biss ftit sekondi fil-ground, fil-kaxxa. Mill-11-il metru, inkaruga ruħu Ederson Bruno Domingos li tefa’ gewwa. Ta’ nota huwa l-fatt li l-foul li wettaq Virano kien ifisser it-tieni ammonizzjoni tiegħu fil-partita u kawża t’hekk tkeċċa mir-referee Fyodor Zammit.
Referee: Fyodor Zammit
BOV Plejer tal-Logħba: Luke Montebello (Hamrun S.)
