Hamrun Spartans aċċertaw mill-punti massimi sa tmiem l-ewwel taqsima meta kienu diġá tliet goals minn minn fuq, f’partita li fiha għelbu lil Mosta bl-iskor konviċennti ta’ 4-0.
B’hekk wara żewġ riżultati ta’ draw diżappuntanti kontar Sliema Wanderers u Valletta rispettivament, huma rritornaw għar-rebħ, u rrritornaw waħedhom fil-kmand tal-klassifika b’49 punt, punt vantaġġ fuq Floriana.
Hamrun għamlu l-intenzjonijiet tagħhom ċari mal-ftuħ tal-partita u fetħu l-iskor wara biss tliet minuti meta minn azzjoni ta’ freekick mogħti minn Nemanja Krtsic, qamet taħwida fil-kaxxa u Elionay Freitas Da Silva kien fil-post it-tajjeb fil-mument opportun u mill-viċin tefa’ ġewwa, fost id-delitju ta’ ferħ tal-partitarji numerużi Ħamruniżi.
Seba’ minuti wara il-coach Taljan tal-Ispartans Luciano Zauri kien kostrett jaffetttwa sostituzzjoni sfurzata meta weġġa’ għalihom il-midfielder internazzjonali Malti Ryan Camenzuli fejn deher li ġibed il-hamstring, biex minfloku daħal jilgħab is-sostitut Joseh Essien Mbong.
Fis-16-il minuta Hamrun appellaw għall-penalty meta Ben Aziz Dao waqqa’ lil Jonny eżatt f’tarf il-kaxxa, fost protesti ta’ partitarji, diriġenti u players ta’ Hamrun, hekk kif iġġudikaw li dan il-foul kien sar proprju fil-kaxxa.
Fit-22 minuta, Luke Montebello dejjem għall-Ispartans xeħet cross insidjuż għan-nofs lejn Jonny li iżda ma rnexxilux jagħmel kuntatt mal-ballun, bl-azzjoni tisfuma fix-xejn.
Huma komplew jiddettaw il-logħob u man-nofsiegħa logħob, Nemanja Krstic, spara xutt mid-distanza li iżda għadda ftit għoli.
Kulma jmur kompla d-domijnu assolut tal-Isparatns u fl-40 minuta rduppjaw l-iskor meta Jonny xeħet cross pinġut li sab lil Luke Montabello li spara xutt mill-ewwel bil-ballun jintemm fir-rokna tax-xibka, biex irriżulta goal tal-istampi.
U jidher li Hamrun ma kinux kuntenti biżżejjed b’dan l-iskor hekk kif fil-45 minuta, eżattamant qabel tmiem l-ewwel taqsia għamluhom tlieta biex aċċertaw ruħhom, mill-punti massimi meta Joseph Essien Mbong xeħet cross fil-baxx għan-nofs li sab lil Juan Carlos Corbolan li minn taħt il-lasta u b’logħob tat-tfal tefa’ ġewwa.
Fit-tieni taqsima, Hamrun komplew jixxalaw u fis-70 minuta għamluhom erbgħa meta Joseph Essien Mbong provda l-assist lil Luke Montebello , li mill-viċin tefa’ ġewwa, biex b’hekk irreġistra doppjetta personali.
Mosta wieġbu għall-ewwel darba fid-79 minuta meta Henry Chidera Nwoga kellu d-daqqa ta’ ras tiegħu mill-viċin tistampa mal-mimduda.
Dan sabiex tliet minuti wara Hamrun rebħu penalty emta Kevin Tulimieri waqqa’ lis-sostitut Seth Paintsil fil-kaxxa. Mill-11-il metru, inakriga ruħu Luke Montebello li iżda ra lill-goalkeeper sostitut ta’ Mosta Dylan Ciappara isalva u jdawwar f’corner bi bravura.
Fis-86 minuta Hamrun qalgħu daqqa ta’ ħarta meta spiċċaw jilagħbu b’10 players meta tkecca għalihom permezz ta’ karta ħamra diretta il-captain Steve Borg wara foul ikrah li wettaq fuq il-captain ta’ Mosta, Gianluca Sciberras.
Hamrun komplew jamministraw il-vantaġġ komdu li kellhom sa tmiem il-partita.
Referee: Fyodor Zammit
BOV Plejer tal-Logħba: Luke Montabello (Hamrun S.)
