“Ħames xhur ilu t-tfal tiegħi u jien tlifna eroj, missier u nannu.”
Dan kien il-messaġġ tat-tifel tal-imprenditur Hugo Chetcuti li ħames xhur ilu tilef il-battalja kontra l-mewt wara li huwa qala’ żewġ daqqiet ta’ sikkina fl-istonku tiegħu fi stabbiliment f’Paceville.
F’messaġġ miktub ma’ ritratt fuq Instagram, it-tifel ta’ Hugo spjega kif missieru kien raġel maħbub minn kulħadd u kien jagħmel kollox biex jgħin lil dak li jkun.
Hu temm billi qal “il-legat tiegħek qatt m’hu se jintesa. Int qatt m’int se tintesa’. Nimmisjawk ħafna!”
B’rabta mal-qtil tas-Sur Chetcuti, Bojan Cmelik, li hu Serb qed ikun mixli li qatel lill-imprenditur.
