Ħames plejers mill-Kampjonat Premier ġew sospiżi logħba mill-Kummissarju tad-Dixxiplina tal-MFA. Dawn huma Nenad Sljivic ta’ Balzan FC, Enzo Ruiz ta’ Floriana FC, Antonio Monticelli ta’ Hamrun u d-duo ta’ Senglea Athletic Augusto Rene Caseras u Brandon Muscat.Sljivic ser jitlef il-logħba kontra St. Andrews, Ruiz ser jitlef id-derby kontra Valletta filwaqt li Monticelli ser jitlef il-logħba kontra Qormi. Iż-żewġ plejers ta’ Senglea ser jitilfu l-konfront kontra Tarxien R.
Anke l-kowċ ta’ Sliema Wanderers John Buttigieg ġie sospiż logħba u għalhekk mhux ser ikun jista’ jmexxi lil Wanderers minfuq l-bank għal logħba kontra l-ex tim tiegħu Birkirkara.
