Mara u tlett irġiel li l-eta’ tagħhom tvarja bejn it-tmintax u t-tletin sena ġew arrestati mill-Pulizija tal-Iskwadra kontra d-Droga wara li nstabu fil-pussess ta’ reżina u parti minn pjanta tal-Kannabis u sustanza Kokaina.
Intant f’ każ separat matul il-lejl ta’ bejn il-Ħadd u t-Tnejn ġie arrestat ġuvni ta’ tmintax il-sena wara li nstab fil-pusses ta’ sbatax il-pillola u ħames pakketti trab suspettati tal-ecstasy, kif ukoll b’madwar għaxar paketti bi trab tal-kokaina.
Il-ġuvni ġie arrestat fi stabilliment tad-divertiment fir-Rabat fejn wara tfittxija li saret fir-residenza tal-ġuvni nstabu għaxar pakketti oħra tal-kokaina. Huwa mistenni jitressaq il-Qorti matul il-ġurnata tat-Tlieta akkużat b’ pussess aggravat ta’ sustanzi ecstasy u kokaina. L-investigazzjonijiet tal-Pulizija fiż-żewġ każi għadhom għaddejin.
