Il-plejer tal-futbol Maltija, Haley Bugeja, ingħaqdet mat-tim tas-Serie A Taljan, Inter.
Il-klabb ħabbar li Bugeja, li għandha 19-il sena, iffirmat kuntratt għal 3 snin.
REKLAM
SKROLLJA BIEX TKOMPLI
Hija ġiet trasferita għal klabb ta’ Inter Milan mill-klabb Orlando Pride, għal somma li għadha mhux magħrufa.
Hija se tibda t-taħriġ tal-pre-season, nhar l-24 ta’ Lulju.
Għadu mhux magħruf jekk hija hux se tkun qed tilgħab bin-numru sebgħa, li huwa n-numru favorit tagħha.
Haley Bugeja bdiet il-karriera internazzjonali tagħha fl-età ta’ sittax-il sena, mal-klabb tas-Serie A, Sassuolo.
