Ħaddiem waqa’ f’sit ta’ kostruzzjoni

Inċident li seħħ illum għall-ħabta tal-kwarta ta’ wara nofsinhar fi Trejqa tal-Fleur-De-Lys, Santa Venera, ħalla raġel imweġġa’ b’mod gravi.

ir-raġel, ta’ nazzjonalità Pakistana, waqa’ m’ogħla żewġ sulari waqt li kien qiegħed jaħdem f’residenza.

Tim mediku ta l-assistenza tiegħu u r-raġel ittieħed l-isptar b’ambulanza. Huwa weġġa’ gravi iżda mhux fil-periklu tal-mewt