Ħaddiem iweġġa’ serjament wara li waqa’ madwar erba’ sulari f’sit ta’ kostruzzjoni f’Marsalforn

Sirjan ta’ 46 sena weġġa’ serjament, wara li waqa’ madwar erba’ sulari f’sit ta’ kostruzzjoni f’Marsalforn, fejn kien qed jaħdem.

L-inċident seħħ għall-ħabta ta’ 11:45, fi Triq Manwel Magro.

Fi stqarrija tal-Pulizija ntqal kif fuq il-post marret il-Pulizija u tim mediku, fejn dawn tal-aħħar ħadu lir-raġel l-Isptar Ġenerali ta’ Għawdex.

Fuq il-post issejħu wkoll membri tal-Protezzjoni Ċivili sabiex jassistu lir-raġel.

Dwar il-każ infetħet inkjesta mmexxija mill-Maġistrat tal-Għassa Bridgette Sultana, waqt li l-investigazzjonijiet tal-Pulizija għadhom għaddejjin.