Raġel ta’ 43 sena, residenti l-Gżira, sofra ġrieħi gravi wara li waqa’ minn madwar ħames metri waqt li kien qed jaħdem f’binja li fiha kienu għaddejjin xogħlijiet ta’ rinovar.
L-inċident seħħ għall-ħabta tat-8:30 ta’ filgħodu fi Triq l-Ifran, il-Belt Valletta.
REKLAM
SKROLLJA BIEX TKOMPLI
Tim mediku kien immedjatament sejjaħ fuq il-post sabiex jassisti lill-ħaddiem, u ambulanza ħaditu l-Isptar Mater Dei għall-kura. Aktar tard, huwa ġie ċċertifikat li qed isofri minn ġrieħi gravi.
L-investigazzjonijiet minn naħa tal-Pulizija, flimkien mal-Awtorità għas-Saħħa u s-Sigurtà fuq il-Post tax-Xogħol, għadhom għaddejjin sabiex jiġu stabbiliti ċ-ċirkostanzi tal-inċident.
