Erba’ persuni mietu wara ħabta fl-ajru bejn żewġ ħelikopters qrib Seaworld, fil-Gold Coast tal-Awstralja. Il-ħabta seħħet għall-ħabta tas-14:00 ħin lokali tul strixxa turistika magħrufa bħala Main Beach, madwar 75km fin-Nofsinhar ta’ Brisbane.
Id-disa’ passiġġieri l-oħra abbord iż-żewġ inġenji tal-ajru kollha ngħataw kura għal ġrieħi li sofrew. Tliet passiġġieri – mara u żewġ subien – ittieħdu l-isptar f’qagħda kritika. L-erba’ mwiet u tliet ġrieħi gravi kollha seħħew f’wieħed miż-żewġ ħelikopters.
Gary Worrell tal-pulizija ta’ Queensland qal lill-ġurnalisti li ħelikopter wieħed deher li kien qed jitlaq hekk kif l-ieħor kien qed jinżel. “Huma xena diffiċli,” qal mal-mezzi tax-xandir. Spjega li kien diffiċli mmens biex is-servizzi tal-emerġenza jaċċessaw iz-zona u jagħtu l-għajnuna, minħabba li l-inċident seħħ fuq post mimli ramel.
