Mara ta’ 23 sena mill-Mellieħa qed issofri minn ġrieħi ħfief wara li kienet passiġġiera f’karozza li ħabtet ma’ vann fil-Mosta kmieni dalgħodu.L-inċident seħħ għall-ħabta tal-04:50 fi Triq il-Missjunarji Maltin il-Mosta meta vann misjuq minn raġel ta’ 58 sena mill-Fgura ħabat ma’ karozza tat-tip Ford Fiesta misjuqa minn raġel ta’ 32 sena mill-Imtarfa. Il-mara kienet passiġġiera fil-karozza, u ttieħdet minnufih l-Isptar Mater Dei għall-kura. Hija qed issofri minn ġrieħi ħfief.
Is-sewwieq tal-karozza u s-sewwieq tal-vann ma sofrew ebda ġrieħi.
