Raġel ta’ 25 sena minn Bormla li nstab ħati li seraq 13-il ġiżirana minn anzjani differenti intbagħat erba’ snin ħabs. Keith Micallef, li m’għandux impjieg, wieġeb ħati li wettaq dawn ir-reati bejn Marzu u Mejju.
Hu ammetta li mhux biss żamm affarijiet misruqa, ftiehem ma’ persuni oħra u li reġa’ nstab ħati. Jidher li jistgħu jitressqu persuni oħra b’rabta mal-istess reat. Intant, Micallef se jkun qed jibda wkoll programm ta’ riabilitazzjoni mid-droga.
