Wara li ġiet fit-tmiemha r-relazzjoni bejn il-kowċ Paul Zammit u Gżira United F.C., dawn tal-aħħar bħalissa għaddejjin b’ħidma sabiex jinstab kowċ ġdid.
Minn informazzjoni li għanda din il-paġna l-Maroons qed juru interess fl-eks kowċ tagħhom stess Darren Abdilla iżda s’issa għadu ma ntlaħaq ebda ftehim bejn it-tmexxija tal-klabb u l-istess Abdilla.
Abdilla matul l-istaġun li għadda mexxa lill-Valletta Football Club iżda tmien logħbiet minn tmiem il-Kampjonat il-kuntratt tiegħu ġie t-terminat.
Nifhmu li Abdilla mhuwiex l-uniku kowċ lokali li qed jinteressa lill-President Sharlon Pace u għalhekk fil-jiem li ġejjin ser tkun qed tintensifika l-ħidma sabiex jinstab kowċ għal staġun 2020 / 2021.
