Melita……………………2
Gzira U………………….3
Melita: 1-Gosef Mizzi, 3-Aldair Pena Simanca, 6-Jean Pierre Attard, 7-Karl Mohnani, 9-Andre Carlos Penha Da Costa, 10-Matthew Debatrtista (14-David Xuereb 53), 11-Alan Borg Olivier (20-Benjamin Cassar 81), 13-Marc Bovenkamp Van de Font, 19-Andres Jesus Yepez Morlets (15-David Jose Romero Barragan 76), 26-Kurt Bondin, 29-Henrique Marcelino Motta Coach: Clive Mizzi
Gżira U: 30-Darijan Zarkov, 3-Gabriel Bohrer Mentz, 4-Joseph Minala (Andrew Borg 64), 7-Thaylor Aldama (92-Kevin Tulmieri 90), 8-Zachary Scerri, 9-Marcelo Dias, 11-Faysal Hassany Chouaib (23-Farid Romero Zuniga 46), 14-Luis Carlos Riascos, 17-Jurgen Pisani (47-Brookyln Borg 46), 20-Alex Da Paixao Alves, 93-Thiago Espindola Coach: Andrew Cohen
Referee: Emanuel Grech
Ass. Referees: Alan Camilleri, David Castillo
Raba’ Uffiċjal: Fyodor Zammit
Skorers: G. Bohrer Mentz pen. 20, T. Aldama 61, 72 (G), A. P Simanca 46, D. Xuereb 79 (M)
Ammoniti: D. Zarkov (G), A. C. Penha Da Costa, H. M. Motta, D. Xuereb (M)
Player tal-Logħba: Thaylor Aldama (G)
F’partita li pproduċiet xejn inqas minn ħames goals, Gzira U. kisbu rebħa importanti meta għelbu lil Melita bl-iskor ta’ 3-2.
Kienu Melita li ħarġu fuq l-offensiva u wara tliet minuti minn azzjoni ta’ corner, il-goalkeeper ta’ Gzira Darijan Zarkov ħareġ minn postu u antiċipa kull periklu. Melita wieġbu fl-14-il minuta meta Matthew Debattista kellu l-ewwel xutt imblukkat minn difensur avversarju, biex mir-rebound kellu x-xutt tiegħu salvat tajjeb minn Zarkov.
Żewġ minuti wara, kienu Gzira li ħolqu l-periklu iżda Faysal Hassany Chouaib ma laħaqx fil-ħin il-ballun, u l-goalkeeper ta’ Melita, Gosef Mizzi, ikkontrolla bla diffikultá. Fit-18-il minuta Gzira rebħu penalty meta Van de Font waqqa’ lil Aldama fil-kaxxa. Mill-11-il metru inkariga ruħu l-ispeċjalista GABRIEL BOHRER MENTZ li ma żbaljax.
Fil-ħin miżjud tal-ewwel taqsima, Melita rnexxielhom iġibu l-iskor indaqs meta Attard indirizza cross lejn ALDAIR PENA SIMANCA li bir-ras tefa’ ġewwa.
Il-partita kompliet ikkaratterizzata minn ħafna logħob f’nofs il-ground, bl-azzjoni sussegwenti tasal biss fil-61 minuta, bi Gzira jirduppjaw l-iskor meta THAYLOR ALDAMA qabeż difesnur avversarju u permezz ta’ xutt fil-baxx tefa’ ġewwa. Huma komplew ikabbru l-marġni tal-iskor fit-72 minuta meta Brooklyn Borg għadda through pass lejn l-istess THAYLOR ALDAMA li b’eleganza tefa’ ġewwa, biex b’hekk irreġistra doppjetta personali fi spazju ta’ 11-il minuta.
Seba’ minuti wara, Melita naqqsu l-marġni tal-iskor meta minn azzjoni ta’ freekick, DAVID XUEREB permezz ta’ daqqa ta’ ras preċiża kompla l-ballun għal ġewwa,
Fit-88 minuta, Melita tilfu ċans tad-deheb li jġibu l-iskor indaqs meta Xuereb għalkemm żmarkat ma kkontrollax tajjeb u ra l-konklużjoni tiegħu tintemm barra.
