Gzira United u Naxxar Lions, kisbu l-ewwel punt tal-istaġun fi draw ta’ 1-1, f’partita li kieku l-Maroons kienu iktar preċiżi fl-attakk, setgħu faċilment rebħu.
Kien biss fl-20 minuta li waslet l-ewwel azzjoni denja ta’ nota bi Gzira jkunu huma li joħolqu l-periklu meta wara li rċieva minn cross mil-lemin ta’ Thaylor Aldama, Andrew Borg kellu xutt sabiħ minn barra l-kaxxa, salvat tajjeb f’corner mill-goalkeeper żagħżugh ta’ Naxxar Lions, Matthias Debono. Huma komplew fuq l-offensiva u tliet minuti wara, Ewertton Silva kellu x-xutt tiegħu minn tarf il-kaxxa jiġi salvat għal darb’oħra minn Debono.
Fit-tieni taqsima, Gzira komplew bl-istess ritmu u fil-51 minuta, kien Ewertton Silva, li ħoloq il-periklu meta kellu x-xutt insidjuż tiegħu li ntemm barra.
Tliet minuti wara huma ġew ippremjati tal-isforzi tagħom, u rebħu penalty meta s-sostitut Adama Sane, twaqqa’ fil-kaxxa minn player avversraju, biex mill-11-il metru Gabriel Bohrer Mentz ma’ żbaljax.
Fl-84 minuta, Gzira U. kienu sfortunati li laqtu l-wieqfa permezz tas-sostitut Adama Sane. U ta’ dan ġew ikkastigati meta żewġ minuti wara, proprju fl-ewwel u l-unika azzjoni denja ta’ nota li ħolqu fil-partita, Naxxar Lions, ġabu l-iskor indaqs permezz ta’ xutt sabiħ minn barra l-kaxxa tas-sostitut Takuma Yamaguchi, li ma ta l-ebda ċans lill-goalkeeper tal-Maroons, David Cassar.
Fis-87 minuta, Gzira tilfu ċans tad-deheb li jerġgħu jaqilbu l-iskor favurihom meta Adama Sane minn taħt il-lasta tefa’ inkredibbilment barra.
Referee: Daniel Portelli
BOV Plejer tal-Logħba: Thaylor Aldama (Gzira U.)
