Gzira United jibqgħu l-aktar tim attiv fil-mument fil-Kampjonat Premier hekk kif dalgħodu ħatru lill-ex kowċ ta’ Valletta FC, Tarxien FC u Qormi FC Jesmond Zerafa bħala l-konsulent tal-klabb filwaqt li ftit tal-ħin ilu ffirmaw lil goalkeeper Jurgen Borg.
Bla dubju l-esperjenza ta’ Zerafa ser tkun importanti biex dan il-klabb ikompli miexi l-quddiem filwaqt li l-akkwist tal-goalkeeper Borg ser tkun essenzjali għall-futur ta’ Gżira United. Filfatt Jurgen Borg iffirma kuntratt ta’ erba’ snin.
Intant l-kowċ Darren Abdilla ġedded l-kuntratt tiegħu b’sentejn oħra biex b’hekk l-kowċ tas-sena huwa marbut mal-Maroons għall-erba’ snin li ġejjin.
Anke l-goalkeeper Anthony Curmi ffirma kuntratt ġdid mat-tim għal sena oħra.
