Ġuvni Taljan ta’ tmintax-il sena sofra ġrieħi gravi wara li ttajjar minn vettura.
L-inċident seħħ il-Ħadd fit- 3.30a.m ta’ filgħodu fi Triq Ġorġ Borg Olivier f’San Ġiljan.
Mill-ewwel stħarriġ irriżulta li għal xi raġuni, it-Taljan intlaqat minn vettura tat-tip Opel, misjuqa minn raġel ta’ 41 sena mill-Kalkara.
Fuq il-post issejħet ambulanza li ħadet lit-Taljan l-Isptar Mater Dei għall-kura. Iktar tard huwa ġie ċċertifikat li qed isofri minn ġrieħi ta’ natura gravi iżda mhux fil-periklu tal-mewt.
L-investigazzjonijiet tal-Pulizija għadhom għaddejjin.
