Il-Fondazzjoni tal-Konkatidral ta’ San Ġwann ħabbret Open Day biex il-viżitaturi jkunu jistaw jesperjenzaw is-sbuħija tas-Sett tal-Arazzi wara proċess estensiv ta’ restawr li dam għaddej 16-il sena.
L-Open Day ser tkun mingħajr ħlas għall-pubbliku nhar il-Ħadd 18 ta’ Ġunju 2023, bejn l-16:00 hrs u d-21:00 hrs (l-aħħar entratura hija fis-20:30 hrs).
Din il-ġurnata se tipprovdi opportunità esklussiva għall-pubbliku biex jara u jesperjenza parti integrali mill-wirt kulturali u storiku ta’ Malta għal aktar minn tlett sekli. Il-viżitaturi jistgħu jesploraw l-intier imsebbaħ tal-Konkatidral fi gruppi gwidati dwar l-Arazzi, kemm bil-Malti kif ukoll bl-Ingliż.
Is-sett ta’ Arazzi ġew ikkummissjonati mill-Gran Mastru tal-Kavallieri ta’ San Ġwann, Frà Ramon Perellos y Roccafull, bejn l-1697 u l-1702. Dawn l-arazzi juru episodji mill-Ħajja ta’ Kristu u t-Trijonf tal-Knisja Kattolika. Is-sett beda jittieħed il-Belġju fl-2006 u ġew irrestawrati mir-Royal Manufacturers De Wit Laboratories, il-Belġju fejn il-proġett ġie ffinalizzat fl-2022. Dan is-sett ta’ Arazzi huwa l-ikbar sett komplut fid-dinja b’kobor ta’ 730 metru kwadru, u b’tul ta’ 120 metru.
L-Esebizzjoni tiftaħ fil-5 ta’ Mejju, mill-11.00 am ‘il quddiem, u tibqa’ għaddejja sal-24 ta’ Ġunju 2023 fil-ħinijiet tal-viżitaturi.
Għal aktar informazzjoni, ibgħatilna email fuq info@stjohnscocathedral.com.
